| 1/8/2009 --台上講見証 今日我想講係幾方面點樣經歷到神, 首先係搵工方面, 我上年六月畢業之後開始搵工, 係搵工期間真係有d失望, 因為send左好多信, 都無interview機會, 之後in 左兩份工, 依家果份工就請左我la, 係依份簽約果日, 之前in 既其中一份做廣告公司就打黎話請我, 當然推左la, 我搵到工果時係9月頭, 之後9月中就發生金融海嘯, 真係好感恩ar, 雖然依份工有時都有壓力, 但公司既同事好好, 有幾個係基督徒, 公司唔會有公司政治或者是非, 諗返如果之前做左果間廣告公司唔知會點, 因為果間公司都係好細既公司, 可能金融海嘯之後都會裁員, 所以好感恩依家做左份大公司既工,. 而我既工作除左要做marketing之外, 都要做租務上既野, 所以d舖租唔到出無生意都有d壓力, 我禱告左好耐都未有得開單, 雖然唔洗quota, 但係簽到單有滿足感, 終於係上個禮拜做成左第一單生意, 而今星期又簽第二單同第三單生意, 依段無單開既時間都成日禱告, 雖然有擔心, 但都對神有信心.。 另外, 想講下結他事奉點樣經歷神, 其實都學左結他3年, 岩岩學果時都未信主, 都係諗住自娛玩下, 而一年前就開始小組結他事奉, 雖然開始時都抱著求期彈到有聲既心態,但幾個月前ally改變左我求期彈既心態, ,可能因為佢有keyboard事奉, 所以更加有同感,其實敬拜讚美係要將弟兄姊妹帶到神面前, 神叫我地作首不作尾, 我地要將最好既獻給神, 正如結他事奉一樣, 唔好抱著求期彈既心態, 平時玩可以輕輕鬆鬆, 但在事奉上輕鬆得黎也需要認真同有準備。自此之後, 我對結他事奉都認真練習左, 依家雖然進步左, 但都會繼續努力。 除左係工作, 結他事奉上面經歷到神之外, 係BGR上面都有得勝, 之前我會覺得只要默默咁等待一個人都唔係一件唔好既事, 其實太依靠自己既感覺對自己黎講都唔係一件好事。自從睇完兩本講基督徒BGR既書之後, 都放低左la, 依家既心態係唔想諗得太多,都交托俾神, 等神去帶領, 等神既時間, 等佢係適當既時機明確指示我.。 雖然講左咁多方面既經歷同得勝, 但有一樣野係咁耐仲未得勝, 就係浸禮, 因為屋企人非常反對同埋佢地對基督教非常反感, 所以咁耐我都未浸, 不過可能依幾個月黎係屬靈上既成長令我覺得自己好肯定一生跟隨神, 所以我決定會參加下次係10月11日既浸禮, 我知道rachel 牧者同神都等左我依日好耐, 都想將所有榮耀交俾神. 最後我想分享一下我想鍾意既兩句金句, 第一句係…你們要先求衪的國和衪的意, 這些東西都要加給你們.., 而另外一句係當我遇到困難既時候, 好鍾意用依句鼓勵自己, 係哥林多前書10:13「你們 所 遇 見 的 試 探 、無 非 是 人 所 能 受 的 、 神 是信 實的 、必 不 叫 你 們 受 試 探 過 於 所 能 受 的 ． 在 受 試 探的 時 候 、 總 要 給 你 們 開 一 條 出 路 、 叫 你 們 能 忍 受 得 住。」 |
